parole povere, il lamento del cuore.
'A ièna del ricordo no'a se à niancóra
incoconà Pare, e i bianchi avoltòi soeàdhi
fòra daa to màscara i fa festa, salteando,
fra i mé déi nudi 'ncora pieni de carezhe.
I ruma e i sbrana e i tironéa chii musi
chii bèchi, chee ongiàte. Tel mé siénzhio
rabióso i sbrèghi dea carne no' i chièta
el rimorso che 'l mostra a chee bestie 'l só cuor
de viéro. Perdóneme 'e mé manie, 'e mancanze,
perdona anca 'sta spèzhie de poesia, se te pòl.
Càtete un cantón che te dàe pase, lontan da mì,
dai me verdi sogni. Pòrtete via i me pensieri.
Raga via 'sta radìse cussì ciusa, 'sto folp
intorcoeà aa to lapide. Te si mort, tì, romài.
Àssa che continue da sol, col mé ben ciaro,
i mé magóni. Ciàmete là 'e tó bestie, Pare
dame indrìo 'e mé paròe.
RENDIMI LE MIE PAROLE
Fabio Franzin
Il dialetto delle nostre zone... da tempo non lo vedevo scritto in una poesia.
RispondiEliminaUn abbraccio cara e buon inizio di settimana!
che forte e amara!
RispondiEliminagrazie e grazie